दाङ । श्रीमानको हातका औंला काटेर पोलेर खाएको अभियोगमा तुलसीपुर प्रहरीले एक महिलालाई पक्राउ गरेको छ । तुलसीपुर उपमहानगरपालिका वडानम्बर १ भम्के छोटे बस्ने रिसमी महतरालाई प्रहरीले पक्राउ गरेको हो । श्रीमान् श्रीमती दुवै ६४ बर्षका हुन् ।

उनले गएराति आठ बजेतिर श्रीमान चन्द्रबहादुरको दायाँ हातका चार वटा औंला काटेर पोलेर खाएको उजुरी परेपछि पक्रेको तुलसीपुर प्रहरीले जनाएको छ । रिसमीले मदिरा सेवन गरेको बेला श्रीमान्को दायाँ हातको चार वटा औंला काटेर खाएकी हुन् ।

पीडित चन्द्रबहादुरको राप्ती अञ्चल अस्पताल तुलसीपुरमा उपचार हुन नसकेपछि थप उपचारको लागि नेपालगञ्ज पठाइएको छ ।

Comments