पारसको निर्णय अप्रत्यासित : क्यान अध्यक्ष

0
126
8 July 2015; The Irish launch of the ICC World Twenty20 Qualifier that is being co-hosted by Ireland and Scotland from July 9 - 26. Ireland's first game is on July 10th in Stormont, Belfast. The captains are pictured with the ICC World Twenty20 Trophy for India 2016 that 6 teams will qualify for from the Qualifier in Ireland and Scotland. In attendance at the launch is Nepal captain Paras Khadka. Titanic Visitor Centre, Titanic Quarter, Belfast, Co. Antrim. Picture credit: Oliver McVeigh / ICC / SPORTSFILE (Photo by Sportsfile/Corbis/Sportsfile via Getty Images)

नेपाल क्रिकेट सङ्घ (क्यान) का अध्यक्ष चतुरबहादुर चन्दले पूर्व कप्तान पारस खड्काको अन्तर्राष्ट्रिय क्रिकेटबाट सन्यास घोषणा उपयुक्त समयमा नभएको बताउनुभएको छ ।

क्यानका अध्यक्ष चन्दले सन्यास लिने पारसको निर्णय अप्रत्यासित रहेको भन्दै यस विषयमा क्यानमा छलफल भइरहेको र औपचारिक धारणा आउने राससलाई बताउनुभयो । “पूर्व जानकारी गराएर सन्यास लिएको भए केही फरक परिस्थिति बन्ने थियो, अचानक सन्यास लिनु क्रिकेट र देशका लागि राम्रो भएन”, उहाँले भन्नुभयो ।

अध्यक्ष चन्दका अनुसार पूर्व कप्तान खड्काले आज बिहान करीब साढे ७ बजेतिर इमेल गरेर संन्यास लिन लागेको जानकारी गराउनुभएको थियो । उहाँले आइसिसी विश्व क्रिकेट लिग टूका लागि नेपाली राष्ट्रिय टोलीको आज बन्द प्रशिक्षण शुरु गर्ने तयारी रहेको समेत बताउनुभयो । राष्ट्रिय क्रिकेट टोलीका पूर्व कप्तान खड्काले क्रिकेट यात्रामा साथ, समर्थन, माया र हौसला दिने सबैप्रति ऋणी रहने भन्दै आज सामाजिक सञ्जालमार्फत सन्यासको घोषणा गर्नुभएको थियो ।