कोरोनाका कारण ब्राजिलमा २४ घन्टामा तीन हजारभन्दा बढी व्यक्तिको मृत्यु

0
111

एजेन्सी, गएको २४ घण्टा यता ब्राजिलमा कोभिड-१९ को संक्रमणबाट तिन हजार भन्दा बढी नागरिकको मृत्यु भएको छ।
यहाँको स्वास्थ्य मन्त्रालयले दिएको जानकारी अनुसार कोभिड-१९ को संक्रमणमा परेका तिन हजार ४७२ जनाको एकै
दिनमा यसैका कारण ज्यान गएको हो।

यो सँगै ब्राजिलमा कोभिडको प्रकोपबाट मृत्यु हुने व्यक्तिको संख्या तीन लाख ८१ हजार ४७७ जना पुगेको मन्त्रालयले
दिएको समाचारमा जनाइएको छ । त्यसैगरी सोही अवधीमा थप करिब ८० हजार जनामा कोरोना भाइरस सङ्क्रमण
देखिएको पनि मन्त्रालयले जानकारी दिएको छ। कोरोना भाइरसको सङ्क्रमण शुरु भएबाट ब्राजिलमा हालसम्म १ करोड
४१ लाख २२ हजार जनाभन्दा बढीमा सो सङ्क्रमण भएको बताइएको छ ।

समाचार अनुसार हाल ब्राजिलको स्वास्थ्य प्रणालीले कोभिड–१९ को भयानक तनाव खेप्नु परेको जनाएको छ। यस तनावका कारण यहाँका नागरिकमा जन स्वास्थ्य सम्बन्धी सुविधा पुर्याउन नै समस्या भएको बताइएको छ । पछिल्लो समय ब्राजिलमा कोरोना भाइरसको नयाँ प्रजातिको भाइरसका साथै नयाँ नयाँ वेभहरु आइरहेको स्वास्थ्य मन्त्रालयले बताएको छ। अस्पतालहरुले बिरामीको चाप थेग्न नसकेपछि उपचारमा समस्या भएको बताएको छ।

यस देशमा कोरोना भाइरसबाट सबैभन्दा बढी प्रभावित राज्यका रुपमा साओ पाओलो रहेको छ । साओ पाओलोमा मात्र
९० हजार भन्दा पनि बढी नागरिकको ज्यान गएको छ । साथै यो राज्यमा करिब २८ लाख नागरिक कारोना भाइरसबाट
सङ्क्रमित भएका छन् । यहाँका नागरिकले कोरोनाका विरुद्धको खोप पनि लगाएका छन् । तर हाल अत्यधिक रुपमा
फैलिएको भाइरसको प्रकोपलाई नियन्त्रण गर्नका लागि खोप मात्र पनि प्रभावकारी नदेखिएको बताइएको छ । –सिन्ह्वा