वैज्ञानिकले भ्यागुताको कोषबाट बनाए जीवित रोबोट

0
61

अमेरिकी वैज्ञानिकले भ्यागुतोको कोशिकाबाट जीवित रोबोट बनाएका छन्। पानीमा पौडिने मात्र होइन यो आफ्नो कल–पुर्जा पनि बदल्न सक्छ । यसको स्मरण शक्ति पनि एकदमै राम्रो छ ।

यो रोबोट ‘Xenobots’ बायोलजिकल रोबोटको ‘अपडेटेड भर्सन’ पनि हो। जसको पछिल्लो वर्ष अनावरण गरिएको थियो । यो जिउँदो रोबोटलाई टुफ्टस युनिभर्सिटी तथा वोरमोंट युनिभर्सिटीका वैज्ञानिकले भ्यागुताको कोशिकाबाट तयार गरेका हुन्।

यो सानो रोबोटले कैयौं काम एकसाथ गर्न सक्छ । आफैं चल्न सक्छ भने आफ्ना रोबोट साथीहरुसँग मिलेर सैनिक जसरी कुनै कामको परिणाम निकाल्न पनि सक्छ । यस नयाँ रोबोटमा कयौ नयाँ प्रविधि जोडिएका छन । यसले कैयौं एकल कोशिकालाई जोडेर आफ्नो शरीर समेत बनाउन सक्छ। यो रोबोट पौडिन पनि सक्षम छ ।

यस रोबोटको स्मरण क्षमता यस्तो छ कि यसले आफूसँग भएका घटनाको स्मरण गर्न समेत सक्छ। यसको आयु पनि लामो छ। साथै अरूसँग एकजुट भएर काम गर्न सक्छ । साथै आफूले आफैंलाई ठीक गर्न समेत सक्छ । शोधकर्ताका अनुसार यसलाई अझ परिष्कृत गरेर यसमा अन्य क्षमता पनि राख्न सकिन्छ ।

शोधकर्ताका अनुसार यसलाई पर्यावरण सुधार गर्न तथा स्वास्थ्य व्यवस्था राम्रो बनाउन प्रयोग गर्न सकिन्छ । यस रोबोटबाट कसरी मानिसले जस्तै भ्यागुताको कोशिकाले शरीरको निर्माण गर्छन् र एउटा सिस्टमको रुपमा काम गर्छन् बारे थाहा पाउन सक्ने विश्वास गरिएको छ । यस रोबोटको बारेमा जर्नल साइन्स रोबोटिक्समा विस्तृत शोध प्रकाशित भएको छ ।