इटालियन ब्रान्ड बोरिनी मिलनेसीले ल्यायो संसारको सबैभन्दा महँगो ब्याग

0
317

लग्जरी इटालियन ब्रान्ड बोरिनी मिलनेसीले संसारको सबैभन्दा महँगो ब्याग सार्वजनिक गरेको छ । यो ब्यागको मूल्य ५.३ मिलियन पाउन्ड (८३ करोड रुपैयाँ) रहेको छ।

निकै चम्किलो देखिने यो ब्यागमा १३० क्यारेट हिरा र १० वटा सेतो सुनको पुतली जोडिएको छ।गोहीको छालाबाट बनेको हल्का निलो देखिने यो ब्याग हेर्दा असाध्यै सुन्दर देखिन्छ । समुद्र प्रदुषणबारे जागरुकता बढाउनका लागि यो ब्यागको निर्माण गरिएको बताइएको छ ।

बोरिनी मिलनेसीले इन्स्टाग्राममा जारी गरेको एक बयानमा समुद्रको रक्षा र जागरुकता बढाउनका लागि आफूहरुलाई आफ्नो ब्यागको अनावरणमाथि गर्व भएको बताउँदै उक्त ब्याग बेचेबापत् ७ लाख ११ हजार ९ सय ५० पाउन्ड रकम समुद्रलाई प्लाष्टिकमुक्त बनाउनका लागि दान दिने पनि जनाएको छ।

इटालियन ब्रान्ड बोरिनी मिलनेसी ब्याग बनाउने लोकप्रिय ब्रान्ड हो ।