खसीको स्वादिष्ट सेकुवा बनाउने तरिका

0
918

सामग्री : 

एक किलो हड्डी नभएको खसीको मासु,

एक-एक चम्चा लसुन र अदुवाको पेस्ट,

एक चम्चा गरम मसला, एक-एक चम्चा धनियाँ र जीराको धूलो,

सुकेको रातो खुर्सानीको धूलो दुई चम्चा,

दुई चम्चा खाने तेल, चारदेखि पाँच चम्चा रम, नुन स्वादअनुसार ।

विधि : 

मासुलाई सानो चौकोर टुक्रामा काट्ने र खलमा प्रत्येक टुक्रालाई एकपटक हल्कासँग कुट्ने । खल नभएको खण्डमा सिलौटामा पनि कुट्न सकिन्छ ।

त्यसरी कुटिएको मासुमा माथि उल्लेखित सबै मसला हालेर कम्तीमा दुई घण्टा त्यसै छाडिदिने ।

त्यसपछि झीरमा मासुका टुक्राहरू उनेर कोइलाको रापमा कम्तीमा पनि छ इन्चको दूरीबाट बिस्तारै सेक्दै जाने ।

मासु राम्रोसँग पाकेपछि प्याजको रिंग र कागतीको टुक्राले सजाएर चिउरासँग साँझको स्न्याक्सका रूपमा सर्व गर्ने ।