काठमाडौं । नेपाली परिकार मध्ये खीर स्वादिष्ट र विशेष परिकार मानिन्छ । विभिन्न धार्मिक, सामाजिक कार्य देखि विशेष दिनमा समेत खीरलाई विशेष परिकारको रुपमा समावेश गर्ने गरिन्छ ।
खीर पकाउनको लागि आवश्यक सामग्री
– चामल (बासमती वा ताइचिन) ः १ कप
– दुध ः १ लिटर
– चिनी ः १ ठुलो चम्चा
– काजु (टुक्रा पारिएको) ः २ सानो चम्चा
– नरिवल (टुक्रा पारिएका) ः २ सानो चम्चा
– छोकडा (टुक्रा परिएको) ः २ सानो चम्चा
– सुकमेल ः २ / ३ पिस
– किसमिस ः ६ / ७ पिस
– ल्वाङ ः २ / ३ पिस
– तेजपात ः १ / २ पात
खीर बनाउने तरिका
– सर्वप्रथम चामललाई केलाएर सफा पार्ने।
– खीर बनाउन आवश्यक चामललाई पानीले राम्ररी पखाल्ने।
– चुलोमा मध्यम तापको आगो बाल्ने एक लिटर दुध हालेर डेक्ची बसाल्ने।
– दुधलाई राम्ररी तात्न दिने।
– धोएर राखेको चामललाई उम्लिएको दुधमा हाल्ने।
– धिमे आगोमा दुध र चामल केही मिनेट पाक्न दिने।
– यसरी दुधमा चामल छड्किन थालेपछि काजु, नरिवल, ल्वाङ, सुकुमेल, किसमिस, छोकडाको टुक्रा हाल्ने। चिनी, तेजपात पनि हाल्ने।
– अब सो चामल र सबै मसला गल्ने गरी सानो आगोमा १२ देखि १५ मिनटसम्म पकाउने।
– यसरी तयार भएको खीरलाई चुलोबाट उतार्ने। खीर तयार भयो ।
