कविता : रेशु

0
203

–निम्बल श्रेष्ठ

हे मेरी रेशु, कसरी हाँसू पीडाको रास छ
तिम्रो साथ मायालु हात, यही मात्र आस छ ।

तस्बिर तिम्रो कति राम्रो, नजर शीतल छ
सपनीमा बिपनीमा, यही नै झल्झल छ ।

तिम्रो ध्वनी कस्तो छनि, आतुर कान छ
सम्झेर तिमी यो मनभरि, जिबित प्राण छ ।

तिमीलाई भेटि दर्द मेटि, फुलाउनु माया छ
जीवनको धूप मिलेर खूब, झुलाउनु छाया छ ।

यो मेरो प्रीत हृदयको गीत, निश्छल चोखो छ
बिसाई भारी तिमीलाई प्यारी, बनाउने धोको छ

अब त आऊ धेरै नसताऊ, मन मन्दिर खाली छ
तिमीलाई बसाइ मन्दिर सजाइ, जिउनु यसपाली छ ।

Are you Planing to Study in Australia ? If yes ,Just Click Here and fill this form.

twgg-advertise