प्रवासबाट भाइलाई चिठी

0
574

प्यारो भाइ,

शुभ-आशीर्वाद !

तिमीले अस्ट्रेलियामा अध्ययनको लागी भिसा पाएको खबर सुन्दा खुशी लाग्यो। सुरु देखी नै तिम्रो पढाई अलिकति कमजोर भएपनि ब्याच्लर्समा प्राप्त गरेको प्रथम श्रेणी र अंग्रेज़ी को हरेक ब्याण्डमा ल्याएको ७ अंकले मलाई नतमस्तक बनाएको छ । मेहेनेत, लगन र परिश्रम गर्यो भने लक्ष्यमा पुग्न सकिदो रहेछ भन्ने क़ुरा तिमीले चरितार्थ गरेर देखायौ । आशा छ तिम्रो थुप्रै अरु साथीहरुलाई पनि यसबाट प्रेरणा मिल्यो होला ।

भाइ तिमीलाई थाहै छ, देश छोडेर हिँडेको नि १० वर्ष भन्दा बढी भएछ । मातृभुमी को बेला बेला आउने याद ले मुटु चसक्क हुन्छ । दुइ थोपा पसिना त्यहीको माटोमा बगाउन पाएनी हुन्थ्यो जस्तो लाग्छ । तर के गर्नु भाइ, अवसर भइदिएको भए यसरी परदेशिनु पर्दैनथ्यो । रहर ले भन्दा पनि बाध्यताले बिदेशिनु परेको हो । भाई, अहिले तिमीलाई त्यही पीडाले सताइरहेछ होला । बिज्ञान र टेकनोलोजि को बिकासले विश्व लाई एउटा ग्लोबल भिलेज बनाएको कुरा त तिमीलाई थाहा नै छ । आशा गरौं बिदेशमा सिकेको ज्ञान र सीप हामीले कुनै दिन स्वेदेशमा लगेर देशको समुन्नत बिकास को लागि उपयोग गर्ने छौं । तिमीले लेखेका पत्रहरुमा यहाँको नेपाली समाज गतिबिधी बारे जान्न जिज्ञाषा राखेका थियौ । लेख्छु भन्दा भन्दै समय पाइन । के गर्नु भाइ यता त समय बितेको पत्तो हुँदैन । घरी घरी त लाग्छ हामीले समयलाई होइन्, समयले हामीलाई चलाईराखेको छ । तर समयलाई आफैले चलाउन मेरो कोशीश जारी छ ।

बाबु, ठ्याकै कती नेपाली छन भनेर भन्नलाई अधिकारिक पुस्टी नभएपनी अष्ट्रेलियामा नेपालीहरु ५०-६० हजार को हाराहारी मा रहेको अनुमान छ । पढाई सकेर यतैको स्थायी बसोबास लिने हरुको संख्या बढ्दो छ । नेपाली समुदाय क्रमिक रुपमा बढ्दै गएको र अष्ट्रेलियाको मल्टिकल्चरल सोसाइटीमा मा यसले थप उर्जा दिएको कुरा अष्ट्रेलियाली प्रतिनिधिहरुले नेपाली कार्यक्रममा आएर बोल्ने गर्छन । नेपालीहरुको संख्या बढदै गर्दा यता पनि खेलकूद, कला साहित्य,जातीय, क्षेत्रीय र राजनीतिक आस्थाका थुप्रै गैरनाफा मुलक संस्थाहरु खुलेका छन । एकआपसमा समझ्दारी, आपसी सद्भाव र परदेशमा देश चिनाउने उद्देश्यका साथ यस्ता संस्था खुलेका भए पनि आपसी समन्वय नहुँदा यहाँ एकै दिन मा ३/४ वटा कार्यक्रम हुने हुँदा सबैमा जानै भ्याइदैन । “संस्थाहरुहरु च्याउ जस्तै उम्रिए,सबै नेता बन्न का लागी संस्था खोले” भनेर गुनासो पनि आउने गर्दछ । मेरो विचारमा सहयोगी मन र पबित्र उद्देश्य लिएर संस्था खोल्नु नराम्रो होईन । बरु यसले त हामी सबै लाई फाइदा हुन्छ । तर समाजसेवा को नाममा आर्थिक हिनामिना गर्ने,पदको दुरुपायोग गर्ने लाई उचित न्यायिक सजाय हुनुपर्छ जस्तो लाग्छ । चाडपर्ब हरु यता पनि मज्जा सँग मनाइन्छ । लाग्छ कि हामी अझै पनि आफ्नै गाउँमा बसेर मनाइरहेका छौं । सबै क्षेत्रका दाजुभाइहरु यतै भएकाले होला नेपालमा पनि लोप हुन लगेका सोरठी र मरुनी नृत्य बरु यतै देख्न पाईन्छ । भर्खरै तीज पनि सकियो । रातो साडी र चोलीमा सजीएर मन्दिरको परिसर मा नाचेका चेलीबेटीहरु लाइ देख्दा लाग्छ नेपाल यही छ, पशुपतिनाथ पनि यही छन । खेलकुद का प्रतियोगिताहरु बर्ष भरी भइरहन्छन । हप्तै पिछे भइरहने यस्ता सोसीयल खेलकूद को रमाइलो बेग्लै छ । बच्चादेखी बृद्दहरुसम्म ले भाग लिने यस्ता प्रतियोगिता अन्तर राज्यीय तहको प्रतिस्पर्धा सुरु भैसकेको छ र यस बर्ष यही डिसेम्बर मा मेलबर्नमा कड़ा प्रतिष्पर्धा हुँदै छ । मेरो त उमेर ढल्किदै गएपनि यसमा रमाउन छोडेको छैन । मेरा समकक्षी पनि उत्तीकै जोशिला छन् , कम्जोर छैनन् ।

बाबु, हालसालै सुनकोशीमा आएको बाढीको खबर ले हामी स्तब्ध भएका छौं । एनआरएनए लगाएत सामाजीक संस्थाले चन्दा संकलन गरेर पठाउने तर्खरमा छन । तर यसरी उठेको पैसा सम्बंन्धित व्यक्ति सम्म नपुग्ने हो कि भन्ने चिन्ता ले सधैं सताइरहन्छ र सबै दाताहरु यस्मा सम्बेदनशील भएको पाईन्छ । भाइ, संघ संस्था धेरै भएकाले कार्यक्रमहरु हप्तै पिच्छे हुन्छन । स्पोन्सरसीपको लागी सधैं नेपाली व्यवसायीहरु नै ताक्ने प्रबित्ती ले गर्दा व्यवसायीहरु हतोत्साही भएको पाईन्छ । जसले पनि सहयोग गर्न सक्ने एउटा निश्चीत सिमा हुन्छ । बरु संघ संस्थाले स्थानीय सरकारी निकाय बाट कसरी अनुदान लिने भन्ने बारेमा सोच्नु अतिनै आबश्यक भएको मलाई लाग्छ ।

दुर्घटना, दैबीप्रकोप, असमान्य रोग तथा अन्य मानवीय तथा परोपकारी काममा बिभिन्न संस्थाले उठाउने रकमले बास्तबमा “चन्दा अातंक ” को परिस्थिति सृजना भएको गुनासो छ । तर एउटा नेपाली लाई दुख पर्दा अर्को नेपाली लाई सहयोग गर्नु हाम्रो नैतिक कर्तव्य लाइ पनि भुल्न भएन नि, है न त बाबु ! साथीभाई बिच कति मात्र सहयोग गर्नु भनेर खासखुस क़ुरा हुने र यहाँ सबै जना ” चन्दा ” ले अत्तालिएको अवस्था भएकोले रकम संकलन गर्ने एउटा नवीनतम योजना यहाका सामाजीक संस्थाले तुरुन्तै अबलंबन गर्नु पर्ने देखिन्छ । यसै सिलसीलामा $१ प्रति महिना भन्ने एउटा अवधारणा तिमीसँग साटासाट गर्न खोज्दै छु । यो तरिका लाई कुनै कुनै संस्था ले अपनाएको सुन्नमा अएको छ । तर सबै सामाजीक संस्था बिच बृहत् छलफल र ऐक्बद्दता नभएसम्म यस्ले सफलता नपाउला कि भन्ने मेरो चिन्ता छ । यूरोप तिर एनआरएनए नारी निकुन्ज संस्था ले यो योजना संसार भर फैलाउन कोशीश गरेको सुनेको छु । अष्ट्रेलियामा रहेका नेपाली बाट यो योजनाको उचित परिचालन बाट एक सालमा ६ लाख डलर ( $१२ x ५०,०००) उठ्ने रहेछ । सबै सामाजीक सस्था बिच तालमेल र सहकार्य गर्ने हो भने यो योजना असम्भब छैन । Council Of Nepalese Association In Australia को गठनले (छाता संगठन) यस अभियान लाई सार्थक तुल्याउछ । फेरि अर्को संस्था भन्ने प्रश्न आउला तर सबैलाई फाइदा हुन्छ भने केही फरक पर्दैन । किनकी भैरहेका सस्थाहरु का प्रतिनिधी हरु मिलेर पालै पालो यस संस्था लाई जिबन्त राख्ने हो ।

प्यारो भाइ, कुरा गर्न,लेख्न र बोल्न जति सजिलो छ, व्यवहारमा उतार्न त्यति नै गाह्रो हुन्छ । यदि सबैजना मिलेर यो अभियानमा लाग्ने हो भने हामीले अरुको मुख ताक्नु पर्दैन र सबै जना चन्दा आतंक बाट मुक्त हुन्छौ । अस्ट्रेलियामा बसेका नेपाली बाट एक जनाले साल को $१२ सहयोग गर्न कसैलाई गाह्रो नहोला । यो रकम एउटा लन्च वा ३ वटा चिया/कफी बराबर को रकम हो । यो अभियान लाई संसार भरिका एनआरएनए बिच लगेर सार्थक बनाउन सके सजिलो र खुशी साथ बिश्वास गर्न गाह्रो रकम सजिलो सँग जम्मा गर्न सकिन्छ र यो कोष बाट धेरै ठुला ठुला मानबिय तथा परोपकारी कामहरु गर्न सकिने मेरो बिश्वास छ । हाम्रो एकता मा कति शक्ति र श्रोत रहेछ है, सोच त बाबु ! तिमीलाई लाग्यो होला उठेको रकम कसरी सस्था बिच छुट्ट्याउने ? यो कुरा लाई सजीलै मीलाउन सकिन्छ । $ १ अभियानका दाताहरु सर्बप्रथम कुनै न कुनै मन परेको नेपाली सामाजीक संस्थासँग आवद्ध हुन्छन । दाताहरुको रकम एउटा बैंकमा राखिन्छ । आवद्ध भएको संस्थाको संख्याको आधारमा, उठेको रकमको अनुपात संबन्धित संस्थाले पाउँछ । अनि सस्था को निर्णय र लक्ष्य अनुसार परोपकारी वा अनुदान को लागि रक़म हस्तान्तरण गर्न सकिन्छ । खुशी साथ आउने स्पोन्सर्सिप, संस्थाको अाजीबन वा बिषेश सदस्य बाट उठ्ने सहयोग त छँदै छ । अरु को मुख ताकेर हुँदैन, हाम्रो लागि हामी नै कसिनु पर्छ । नेपाली का लागी नेपाली भन्ने एनआरएनए को मुल मन्त्र लाई आत्मसाथ गर्दै ब्याक्ती र संस्था भन्दा समाज र राष्ट्रीय हित लाई सर्वोपरि ठानेर ईमान्दारी र एकता का साथ अगाडी बढ़ेमा यस योजनाले सार्थकता पाऊनेछ । जसबाट सबैलाई सरल, सहज र “सर्प पनि मर्ने, लट्ठी पनि नभाचिने” स्थिति आउन सक्थ्यो ।

बाबु चिट्ठीमै सबैकुरा भन्दा लामै होला, केही बुझेनौ भने लेख । बरु मेरो कुरा यसो तिम्रो साथीहरुलाई पनि जानकारी गराउ र नबुझे सोध्न भने है ! बुवा मुमा लाई ढोग, बहिनी लाई धेरै माया । छर छिमेक र इस्टमित्र मा धेरै सम्झना अनि नमस्कार सुनाईदिनु ।

तिम्रो परखाईमा़……..परदेशी दाजु,

विष्णु हमाल

([email protected]) (Regional Coordinator, OCEANIA REGION, NRNA ICC)