Category: खेल

अष्ट्रेलिया र पाकिस्तानबीचको तेस्रो तथा अन्तिम एक दिवसिय क्रिकेट आज हुदैछ । श्रृङ्खला आफ्नो पक्षमा पारिसकेको अष्ट्रेलिया आजको खेल पनि जित्दै श्रृङ्खला ह्वाईट वास गर्ने दाउमा छ भने पाकिस्तान सान्त्वना जीतको खोजीमा रहनेछ । खेल अवुधावीमा नेपाली समय अनुसार अपरान्ह पौने ५ बजेपछि सुरु हुनेछ ।  यस अघि एक मात्र टि ट्वान्टी म्याच पनि जितेको अष्ट्रेलियाले दुवई वसाईका क्रममा पाकिस्तानसंग दुई वटा टेष्ट क्रिकेट श्रृङ्खला पनि खेल्नेछ...

भारत र वेष्टइन्डिजबीचको दोस्रो एक दिवसिय क्रिकेट आज हुँदैछ । एक दिवसिय क्रिकेट श्रृङ्खलामा वेष्टइन्डिजले एक शुन्यको अग्रता लिएको छ । आजको खेलमा पनि जीत हात पार्दै पाहुना टोली वेष्टइन्डिज श्रृङ्खला २–० को अग्रता लिने दाउमा रहँदा घरेलु टोली भारत श्रृङखला १–१ को वरावरी गर्ने कोसिसमा हुनेछ । पहिलो एक दिवसियमा भारत १ सय २४ रनले पराजीत भएको थियो । आजको खेल नेपाल समय अनुसार फिरोज शाह कोटला दिल्लीमा दिउँसो पौने ३ बजेपछि सुरु हुनेछ...

आगामि असोज २५ गतेदेखि अण्डर सेभेन्टिन महिला फुटबल प्रतियोगिता हुने भएको छ । रौतहटको चन्द्रनिगाहपुरमा कात्तिक २ गतेसम्म हुने प्रतियोगितामा विभिन्न १२ जिल्ला सहभागी हुनेछन् । प्रतियोगिता अखिल नेपाल फुटवल संघ एन्फाको आयोजना तथा प्लान इन्टरनेशनल नेपालको सहकार्यमा हुन लागेको हो । प्रतियोगिताले नेपाली बालिकाको सामयिक समस्या न्युनीकरणको चेतनामूलक अभियान तथा उनीहरुको सीप, क्षमता र आत्मविश्वासलाई बढावा दिने अपेक्षा गरिएको छ । प्रतियोगितामा रौतहट, मोरङ, बााके, मकवानपुर, ताप्लेजुङ्, कञ्चनपुर, सर्लाही, झापा, कैलाली, काठमाडौं, बारा र नवलपरासीका फुटवल टोली सहभागी हुनेछन् । प्रतियोगिता चार समुहमा विभाजित गरी लिग कम नकआउटको आधारमा खेलाइनेछ । १७ बर्ष मुनिका डेढ सय भन्दा बढी...

सन् २०१६ मा हुने युरो कप फुटलको लागि छनौट प्रतियोगितका खेलहरु आजदेखि सुरु हुँदैछ । यस खेलले अघिल्लो महिना खराब प्रदर्शन गरेका टीमलाई राम्रो गर्ने अवसर मिल्नेछ । आजदेखि सुरु हुने खेलमा बेलारुसविरुद्ध युक्रेन, मेसेडोनियाविरुद्ध लक्जेम्बर्ग, स्लोभाकियाविरुद्ध स्पेन, इंग्ल्याण्डविरुद्ध सान मारिनो, लिभुआनियाविरुद्ध इस्टोनिया, स्लोभेनियाविरुद्ध स्टिेजरल्याण्ड, लिचटस्टाईनविरुद्ध मोन्टेनेग्रो, मोल्डोभाविरुद्ध अस्ट्रिया तथा स्विडेनविरुद्ध रुस भिड्नेछ । त्यसैगरी भोलि हुने खेलमा लाटभयाविरुद्ध आईसल्याण्ड, नेदरल्याण्डेसविरुद्ध काजकिस्तान र टर्कीविरुद्ध चेक रिपब्लिक भिड्नेछ...

राष्ट्रिय खेलकुद परिषद् राखेपले इन्चोन एसियाली खेलकुदमा सहभागी खेलाडीमध्ये आफ्नो सूचीमा नाम नरहे पनि कांस्य पदक विजेता विमला तामाङलाई नगद पुरस्कार दिन सिफारिस गर्ने भएको छ । धादिङ सेम्जुङ–४ की १८ वर्षीया विमलाले करातेको एकल कातामा कांस्य पदक जितेकी थिइन् । १७औं एसियाली खेलकुदमा नेपालले जितेको त्यो एकमात्र पदक हो । पदक जित्ने जोकोही खेलाडी पुरस्कारको हकदार भएकाले राखेपले त्यसका लागि सरकारसमक्ष सिफारिस गर्ने परिषदका सदस्यसचिव युवराज लामाले बताउनुभयो ।  सरकारले एसियाली खेलकुदको व्यक्तिगत स्पर्धामा स्वर्ण जित्नेलाई २५ लाख, रजतलाई १५ लाख र कांस्यलाई १० लाख रुपैयाँ दिने निर्णय गरेको थियो । परिषद्बाट मान्यताप्राप्त दावा गुरुङको अध्यक्षतामा रहेको नेपाल...