एजेन्सी । म्यानचेस्टर युनाइटेडका स्टार फुटबलर पाउल पोग्बामालाई कोरोना भाइरसको संक्रमण देखिएको छ । २७ वर्षीय फ्रान्सेली स्टारमा संक्रमण देखिएको पुष्टि फ्रान्सका प्रशिक्षक डिडियर डेसच्याम्पसले गरेका हुन् ।  आइशोलेसन बस्ने भएकाले उनी नेसन्स लिग फुटबलमा फ्रान्सका लागि तत्काल उपलब्ध हुने छैनन् ।

नेशल्स लिगअन्तर्गत आफ्नो सुरुवाती खेलका लागि ५ सेप्टेम्बरमा फ्रान्सले स्वीडेनको यात्रा गर्नेछ । अन्तर्राष्ट्रिय खेल गुमाएपनि प्रिमियर लिग सुरु हुँदासम्म भने पोग्बा उपलब्ध हुने अपेक्षा गरिएको छ । प्रिमियर लिगअन्तर्गत नयाँ सिजनको सुरुवाती खेलमा वल्र्ड ट्राफोडमा युनाइटेडले क्रिस्टल प्यालेसको सामना गर्दैछ ।

सन् २०१६ मा विश्व किर्तिमानी रकममा युुभेन्टस्बाट म्यानचेस्टर युुनाइटेड आएयता पोग्बा टोलीका प्रमुख सदस्य रहदैं आएका छन् । उनले १ सय ८ खेलमा २५ गोल गरेका छन् । पोग्बाले फ्रान्सबाट ६९ अन्तर्राष्ट्रिय खेल खेल्दै १० गोल गरेका छन् ।

Please follow and like us:

Comments