एजेन्सी । लखनउ भारतको उत्तर प्रदेशमा यात्रुवाहक बस दुर्घटनामा हुँदा २९ जनाको मृत्यु भएको छ ।

सोमवार बिहान भएको दुर्घटना प्रदेश राजधानी लखनउभन्दा ३३६ किलोमिटर टाढा आगरा शहर नजिकै भएको हो । बसमा ५० जना जति यात्रु रहेको र लखनउबाट भारतको राजधानी नयाँ दिल्लीतर्फ जाँदै गर्दा सडकबाट पल्टिएको लखनउ प्रहरीले जनाएको छ ।

भारतमा प्रत्येक चार मिनेटमा एउटा सडक दुर्घटना हुने गरेको तथ्यांक रहेको बीबीसीले जनाएको छ । दुर्घटनामा घाइते भएका २० जनालाई स्थानीय बासिन्दाले उद्दार गरेका थिए ।

प्रहरीका अनुसार चालक निदाएर दुर्घटना भएको हो । चालकले निदाएर होस गुमाएपछी दुई तले बस नालीमा पल्टेको थियो।

नयाँ दिल्लीबाट आगरासम्मको १६५ किमी लामो यमुना द्रुतमार्ग भारतकै सबैभन्दा लामो छ लेनको सडक हो। अधिकारीहरूका अनुसार सन् २०१२ मा सो द्रुतमार्ग खुले यता त्यहाँ भएका दुर्घटनाहरूमा करिब ९०० मानिसहरूले ज्यान गुमाएका छन्।

भारतमा आवश्यक मर्मत सम्भार नगरिएका वाहन, नराम्रो तरिकाले गाडी हाँक्नु र सडकको अवस्थालाई सडक दुर्घटनाको कारक मान्ने गरिएको छ।

Comments

comments