काठमाडौं । खानाको परिकार बनाउँदा आलुका विभिन्न परिकारहरु बनाउन सकिन्छ । आलुलाई नकाटी पकाइने आलुदम आलुको एक स्वादिष्ट परिकार हो, जुन मासु, चिउरा वा यत्तिकै पनि खान सकिन्छ । आलुदम घरमै सजिलो तरिकाले बनाउन सकिन्छ ।

 

सामग्री :

उसिनेको आलु, प्याज , टमाटर, धनियाँ, खुर्सानी

गरम मसला, धनियाँको दाना, जिरा, बेसार, नुन

अदुवा र लसुन

 

विधि :

सबै आलुमा काँटा चम्चाले प्वाल पार्ने ।

त्यसपछि तेल तताएर बेसार र खुर्सानी फुराउने र आलु राख्ने ।

त्यसपछि नुन पनि राखेर चलाउने ।

आलु फ्राई भएपछि एउटा भाँडोमा निकाल्ने।

त्यो बाँकी तेलमा लसुन, अदुवा, प्याज, खुर्सानी, टमाटरको मिक्स पकाउने ।

मिक्स केही सेलाएपछि मिक्सरमा मिक्स गर्ने ।

थोरै तेलमा जिरा र धनियाँ फुराउने र त्यसमा मिक्सलाई राखिदिने ।

अब त्यसमा बाँकी मसला राखेर राम्रोसंग चलाउने ।

त्यसपछि फ्राई गरेर राखेको आलु पनि राखेर चलाउने।

केही छिन पछि पानी राखेर चलाउने र छोपेर पकाउने  ।

 

Comments