काठमाडौं । नेपाल भित्र्याउन लागेको भारी मात्राको विस्फोटक पदार्थ भारतमा बरामद भएको छ ।

सोमबार भारतीय सञ्चार माध्यममा जनाइएअनुसार भारतीय प्रहरीले हतियारसहित एक नेपाली युवकलाई सीमा क्षेत्रमा पक्राउ गरेको छ । गर्नुले यो संकेत आएको हो । पक्राउ परेका व्यक्तिकाबारेमा भने केही खुलाइएको छैन । तर बरामद विस्फोटक पदार्थ नेत्रविक्रम चन्द समूहकालागि ल्याउन लागेको आशंका गरिएको छ ।

भारतको पश्चिम बंगालमा ठूलो परिमाणको हतियारसहित ती नेपाली नागरिक पक्राउ परेका हुन् । उनी गएको शनिबार नेपाल छिर्ने क्रममा विस्फोटक पदार्थ सहित पक्राउ परेको युनाइटेड न्यूज अफ इण्डियाले जनाएको छ । सिलगुढीमा पक्राउ परेका ती व्यक्तिको नाम चरण रोका भएको समाचारमा जनाइएको छ । २६ वर्षिय ती नेपालीलाई भारतको सीमा सुरक्षा बल एसएसबीले पक्राउ गरेको हो ।

उनको साथबाट बिस्फोटक सामग्री समेत बरामद भएको जनाइएको छ । उनले गन पाउडर, इलेक्ट्रिकल डिटोनेटर र अन्य बम बनाउने रासायनिक सामग्री समेत बोकेका थिए । उनलाई सशस्त्र सीमा बलका जवानले पेट्रोलिङका क्रममा समातेको समाचारमा जनाइएको छ ।

उनको घर म्याग्दी जिल्लाको रुमा गाउँमा भएको समाचारमा उल्लेख छ । सो विस्फोटक पदार्थ लिएर उनी नेपाल छिर्ने प्रयासमा थिए । प्रहरीका अनुसार उनको साथबाट निओजेल पावरजेल .विस्फोटक पदार्थ) प्रतिगोटा १२५ ग्राम रहेका २०५ प्याकेट र ३५५ वटा स्टीक सहितको इलेक्ट्रिक डिटोनेटर फेला परेको प्रहरीले जनाएको छ ।

Comments

comments