काठमाडौं । भारतमा लोकसभा निर्वाचन नजिक आउँदैं गर्दा कलाकारहरुमा राजनीतिक मोह बढ्दै गएको देखिएको छ ।

यो बिचमा अहिले निर्वाचनमा लड्ने अभिनेताहरुमा सञ्जय दत्तको पनि नाम अगाडि आएको छ ।

एक वेबसाइटका अनुसार उनी एसपी बीएसपीको गठबंधनको तर्फबाट उत्तरप्रदेशको गाजियाबादबाट चुनाव लड्ने मनस्थितिमा छन् । सञ्जयको परिवार पूर्ण रुपमा राजनीतिकरहेको छ । उनका पिता सुनील दत्त, आमा नरगिस र बहिनी प्रिया दत्त पनि राजनीतिमा नै भएको भारतीय सञ्चारमाध्यमहरुको दावा रहेको छ । यदि अब सञ्जय दत्त मैदानमा आए भने निर्वाचन लड्ने उनको परिवारमा उनी चौंथो सदस्य हुनेछन ।

सञ्जय सन २००९ मा समाजवादी पार्टीमा प्रवेश गरेका थिए । उत्तर प्रदेशमा राजनीतिक रुपमा समाजवादीलाई बलियो रुपमा हेर्ने गरिएको छ । यसरी उत्तर प्रदेशबाट भारतीय प्रधानमन्त्री नरेन्द्र मोदीको पार्टीलाई हराउँन यो रणनीति तयार भएको हुन सक्ने जानकारहरु बताउँछन् । उनलाई पार्टीमा महासचिवको पद दिइएको थियो ।

विशेष स्रोतका अनुसार उनलाई लखनउबाट उठाउँने तयारी भइरहेको थियो । अर्को कुरा, उनलाई मुम्बईमा भएको आतंककारी हमलामा संलग्न भएकोभन्दैं अदालतले जेल सजाय समेत्त सुनाएको थियो । अहिले उनले अदालतद्धारा तोकिएको सजाय पुरा गरिसकेका छन् ।

Comments

comments