मेलबर्न । अष्ट्रेलियाकालागि नेपाली राजदूत लक्की शेर्पाको बर्खास्तीपछि अष्ट्रेलियामा बसोबास गर्दै आएका नेपाली समुदाय तरंगित भएको छ ।

राजदूत जस्तो व्यक्ति नै अवैध रुपमा मानव ओसारपसारमा संलग्न भएको अभियोगमा सरकारबाटै वरखास्तीमा पर्नु लज्जास्पद भएको उनीहरुको ठहर छ । यो नेपालको कुटनीतिक क्षेत्रकै कालो इतिहास हुने उनीहरु बताउछन् । यसलाई पाठका रुपमा लिएर अब कुटनीतिक क्षेत्रमा कुनै राजनीतिक नियुक्ति नगर्न अष्ट्रेलियाका नेपाली समुदायले नेपाल सरकारसँग आग्रह गरेको छ । कुटनीतिक क्षेत्र देशकै प्रतिष्ठासँग जोडिने भएकोले अब्बल र सक्षम व्यक्तिलाई मात्र जिम्मेवारी दिन उनीहरुले सरकारसँग माग गरेका छन् ।

अष्ट्रेलियाको ब्रिसबेनमा बसोबास गर्दै आएका नेपाली इञ्जिनियर ईश्वर कुइँकेलले सामाजिक सञ्जालमा लेखेका छन्–’राजदूत शेर्पा प्रकरणपछि हामीले अष्ट्रेलिया सरकारको विश्वास गुमाएका छौं । यसले नेपाली समुदायमाथि हेर्ने नजर नै फेरिदिएको छ ।’

ब्रिसबेनमै बस्ने डा भरतराज पौडेलले लेखेका छन्–’राजनीतिक नियुक्ति लिएर आएका कुनै राजदूतले अष्ट्रेलियामा राम्रो काम गरेर देखाउन सकेका छैनन् । त्यसैले नेपाल सरकारले अब करियर डिप्लोम्याट अथवा विज्ञहरुबाट राजदूत छान्ने कार्य शुरु गर्नुपर्छ । यसकालागि अवकाशप्राप्त व्यक्तिहरु पनि विकल्प बन्नसक्छन् ।’

डा पौडेलले योग्य कुटनीतिक व्यक्ति पठाउन नेपाल सरकारलाई दबाब दिन अष्ट्रेलियन नेपाली समुदायसँग अपिल समेत गरेका छन् ।

Are you Planing to Study in Australia ? If yes ,Just Click Here and fill this form.

career-in-aus

Comments

comments