मेलबर्न । के विदेशी विद्यार्थीहरुले कुनै स्पोन्सरविना अष्ट्रेलियाको वर्किङ भिसा पाउछन् ? यो अष्ट्रेलियामा पढिरहेका नेपाली मात्र होइन प्राय सबै विदेशी विद्यार्थीहरुले गर्ने साझा प्रश्न हो ।

अष्ट्रेलियाको भिसा नीति अनुसार अधिकांश वर्किङ भिसाका लागि रोजगारदाताको स्पोन्सर अनिवार्य छ । तर यस्ता कुनै स्पोन्सरसीप विना नै वर्किङ भिसा प्राप्त गर्नसक्ने केही विकल्पहरु पनि छन् ।

जस्तो :

–ग्राजुएट टेम्पोररी सबक्लास ४८५ भिसा :अष्ट्रेलियामा कम्तीमा २ वर्ष अध्ययन पूरा गरेका योग्यता हासिल गरिसकेका विद्यार्थीहरुले कुनै स्पोन्सरसीप विना नै वर्किङ भिसा प्राप्त गर्न सक्छन् ।

–वर्किङ होलिडे सबक्लास ४१७ भिसा : कुनै कुनै मुलुकका ३१ वर्ष मूनिका वैधानिक पासपोर्टवाहकहरुले यो भिसा प्राप्त गर्न सक्ने प्रावधान छ ।

यस्तै अष्ट्रेलियामा भिजिट वा स्टुडेन्ट भिसामा आएकाहरुले समेत आफ्नै विजनेश गर्न चाहेमा अनुमति पाउँनसक्छन् । यस्तो अवस्थामा विद्यार्थीहरुले ४५७ भिसाका लागि सेल्फ स्पोन्सर अर्थात आफ्नो लागि आफैंले स्पोन्सर गर्नसक्ने प्रावधान छ । तर यसरी गरिने विजनेश भने विश्वसनीय हुन आवश्यक छ । अझ त्यसमा केही अष्ट्रेलियनहरुलाई रोजगारी दिनसके भिसाका लागि निकै सहज हुन्छ ।

तर विर्सन नहुने कुरा के छ भने अष्ट्रेलियामा विद्यार्थीहरु आउँने भनेको पढ्नकै लागि हो । अष्ट्रेलियाको सरकारले तपाईलाई भिसा पनि यसैका लागि दिइएको हो । त्यसैले हरेक विदेशी विद्यार्थीहरुको पहिलो शर्त भनेको पूरै समय अध्ययनका लागि दिनु हो । पोष्ट ग्राजुएट लेभलमा अध्ययनरत विद्यार्थीको हकमा समेत यही कुरा लागू हुन्छ ।

तर मास्टर डिग्रीमा कुनै रिसर्च वा विद्यावारिधि गर्दै गरेका विद्यार्थीहरुले भने कुनै शर्तमा फुल टाइम काम गर्न पाउँछन् ।
मास्टर डिग्री वा विद्यावारिधि सकाएका विद्यार्थीहरुका भने आफन्त वा श्रीमान,श्रीमतिले पनि फुल टाइम काम गर्न पाउँने वर्किङ भिसा प्राप्त गर्न सक्छन् ।

–हिमालयन कङ्गारु ‘करियर’ डेस्क

Are you Planing to Study in Australia ? If yes ,Just Click Here and fill this form.

Comments

comments