काठमाडौं । सर्वोच्च अदालतले सर्वश्वसहित जन्मकैद साजय सुनाएका बालकृष्ण ढुंगेल रिहा भएका छन्। सरकारको सिफारिसमा राष्ट्रपति विद्यादेवी भण्डारीले कैद मिनाह गरेपछि डिल्लीबजारस्थित करागारमा रहेका ढुंगेल रिहा भएका हुन्। द्वन्द्वकालमा उज्जनकुमार श्रेष्ठको हत्या गरेको भन्दै सर्वोच्च अदालतले सर्वश्वसहित जन्मकैदको फैसला सुनाएको थियो।

गएको कात्तिक १४ गते पक्राउ परेका उनी ४० प्रतिशत कैद भुक्तान गरेपछि असल चालचलन भएकाको बाँकी कैद माफी हुने प्रवाधान टेकेर सरकारले मुक्त गर्न सिफारिस गरेपछि जेलमुक्त भएका हुन्।

यसअघि जिल्ला अदालतको फैसला अनुसार साढे सात वर्ष जेल सजाय भोगेपछि उनी पुनरावेदन अदालतले सफाई दिएर छुटेका थिए र चुनाव समेत लडेका थिए। तर सर्वोच्चले सर्वश्वसहित जन्मकैदको फैसला सुनाएको धेरै समयपछि मात्र उनलाई पक्राउ गरेर जेल चलान गरिएको थियो।

उनको कैद सजाय माफी हुन लागेको समाचार सार्वजनिक भएपछि सर्वोच्चमा अर्को मुद्दा परेको छ। सर्वोच्चले सोमबार त्यससम्बन्धी फाइल झिकाउन आदेश दिएको थियो।

कारागारबाट सीधै पेरिसडाँडा 

डिल्लिबजार कारागारबाट बिहान रिहा भएका बालकृष्ण ढुंगेल सीधै विघटित माओवादी केन्द्रको कार्यालय पेरिसडाँडा पुगेका छन् । कर्तव्य ज्यान मुद्दामा आजीवन जेलसाजय भोगिरहेका ढुंगेल मंगलबार बिहान रिहा भएका हुन् ।

त्यसअघि कारागारबाट रिहा भएपछि सञ्चारकर्मीहरुसँग कुरा गर्दै ढुंगेलले मानवअधिकारवादी र वकिलप्रति आक्रोस पोखेका छन् । उनले युद्धका बेला शान्ति र शान्तिमा युद्धको खेती गर्ने ‘डलरवादीहरु’ले आफूलाई जेलमा सडाउने षड्यन्त्र गरेको आरोप लगाए ।

Please follow and like us:

Comments