वासिङ्टन । अमेरिकाले इरानमाथिको प्रतिबन्ध दोहा¥याउने भएको छ । इरानमाथि लगाएको प्रतिबन्ध अमेरिकाले सन् २०१५ को आणविक सम्झौतापछि फुकुवा गरेको थियो ।

तर अहिले फ्रि इरानसँगको पारमाणविक सम्झौता रद्द गरेको छ । अमेरिकाले सम्झौता रद्द गरी पुन प्रतिबन्ध लगाउने बताएको छ।

अमेरिकी विदेशमन्त्री माइक पोम्पेओले हालैमात्र अमेरिकाले इरानसँगको पारमाणविक सम्झौता रद्द गरेपछि यसअघि फुकुवा गरेका सबै प्रतिबन्धहरू पुनः लगाइने तथा इरानले नयाँ आर्थिक प्रतिबन्धको पनि सामना गर्नुपर्ने हुनसक्छ भन्नुभएको छ ।

अमेरिकाको हालैको उक्त कदम अन्तर्गत इरानी सत्तामाथि नयाँ खालको र एक शक्तिशाली आर्थिक दबाब पनि सिर्जना गर्न सकिने विदेशमन्त्री पोम्पेओले बताउनुभएको छ ।

अमेरिकाको यस कदमको युरोपेली संघ तथा सन् २०१५ मा इरानसँग पारमाणविक सम्झौता गरेका विश्वका केही शक्ति राष्ट्रहरुले पनि विरोध गरेका छन् ।

युरोपेली युनियनको विदेश नीति प्रमुख फेडेरिका मोगेरिनीले अमेरिकाको यस कदमको आलोचना गर्दै यसबाट युरोप र मध्यपूर्वी देशहरुमा पनि असर पर्न सक्ने बताउनुभएको छ ।

उहाँले भन्नुभएको छ– इरानसँगको सन् २०१५ को पारमाणविक सम्झौताबाट अमेरिका मात्र एक्लै बाहिरिँदा मध्यपूर्वको सुरक्षाको बारेमा पनि सोच्नुपर्नेमा त्यसो हुन नसकेकोले यसबारे सोच्नुपर्दछ ।

सन् २०१५ भन्दा अघिका तथा हालैको यो नयाँ घोषणा भन्दा पनि अघिका अमेरिकी प्रतिबन्धहरूले इरानसँगको सबै व्यापारमा रोक लगाएका थिए । अब त्यसमा झनै कडाई गरिने बताइएको छ ।

इरानको आपत्ति

यसैबीच इरानमाथि अमेरिकाले घोषणा गरेको नयाँ प्रतिबन्धको इरानले कडा शब्दमा विरोध गरेको छ । उसले तेहरानविरूद्ध अमेरिकाले इतिहासकै सबैभन्दा प्रतिबन्ध लगाउने भन्ने अमेरिकी विदेशमन्त्रीको भनाइको निन्दा पनि गरेको समाचारमा जनाइएको छ ।

इरानका राष्ट्रपति हसन रूहानीले इरान र विश्वका लागि पनि अमेरिकाको कदम घातक हो भन्नुभएको छ । उहाँले अमेरिकाले लगाएको कडा प्रतिबन्ध अन्तर्राष्ट्रिय कानुन बिपरीत भएको पनि बताउनुभयो । एएफपी

Are you Planing to Study in Australia ? If yes ,Just Click Here and fill this form.

career-in-aus

Comments

comments