एजेन्सी । संयुक्त अधिराज्यका राजकुमार ह्यारी र अमेरिकी अभिनेत्री मेगन मार्कलबीच शनिवार विवाह सम्पन्न भएको छ।

विन्ड्सर क्यासलस्थित सेन्ट जोर्जेज च्यापलमा आयोजित एउटा भव्य समारोहमाझ उनीहरूको विवाह सम्पन्न भएको हो।

मार्कल आफ्नी आमासहित रोल्स रोयस गाडीमा विवाहस्थलमा पुगेकी थिइन्। सेन्ट जोर्जेज च्यापलमा पुगेलगत्तै ह्यारीका पिता युवराज चार्ल्सले मार्कलको हात डोर्‍याएर भित्र लगेका थिए। ह्यारी भने आफ्ना दाजु विलियमसँगै विवाहस्थलमा पुगेका थिए।

वैवाहिक समारोहमा छ सय जना पाहुना उपस्थित थिए । ती पाहुनामा एल्टन जन, ओप्रा विन्फ्रे, जर्ज क्लुनी र सेरेना विलियम्स लगायत थिए।

वैवाहिक कार्यक्रम हेर्न सडकको दुईतिर हजारौँ मानिस लामबद्ध भएर उभिएका थिए। कतिपयले राम्रो दृश्य देख्न सकियोस् भनेर केही दिनअगाडि देखि नै त्यस्ता सम्भावित स्थलमा पाल टाँगेर बसेका थिए।

यसअघि विवाहपछि ह्यारी र मार्कलको जोडी ससेक्सका ड्युक र डचेसका रुपमा चिनिने घोषणा गरिएको थियो।

समारोहमा सहभागी हुन कुन नेताहरूलाई भने निमन्त्रणा दिइएको थिएन।

तर प्रधानमन्त्री टरिजा मेले राजकुमार ह्यारी र मर्कललाई सामाजिक सञ्जाल ट्विटरमार्फत् शुभकामान दिएकी छन्।

फोटो : वासिङपोष्ट र एजेन्सीहरु

Comments