मेलबर्न । अष्ट्रेलियन करियरमा यसपटक हामी अष्ट्रेलियामा आउँने विदेशी विद्यार्थीहरुले पाउने र गर्दै आएका उत्कृष्ट १० भित्र पर्ने कामहरुका बारेमा चर्चा गर्दैछौं ।

१.रिटेल सेल्स असिस्टेन्ट :
पसल अर्थात स्टोरमा आउँने ग्राहकहरुलाई सहयोग गर्नु यो कामको मूख्य उदेश्य हो । साथै पसलमा सामानहरुको स्टक कति छन् भन्नेबारेमा जानकारी लिनु र पसलको सरसफाइ गर्ने काम पनि रिटेल सेल्स असिस्टेन्टकै हो । अँग्रेजी भाषा सिक्न चाहनेहरुका लागि यो काम उपर्युक्त हुन्छ । किनभने थरिथरिका ग्राहकहरु र धेरै साथीहरुसँग प्रत्यक्ष रुपमा कुराकानी गर्न पाइन्छ ।

फाइदाहरु : काम गर्न सजिलो,अँग्रेजी भाषाको अभ्यास गर्न पाइने र अक्सर गरेर साँझ ५ः३० बजे नै छुट्टी पाइने ।
बेफाइदाहरु : थोरै तलब,विहानै काम शुरु हुने र दिनहरु उभिएरै काम गर्नुपर्ने ।

२ एडमिनिस्ट्रेटिभ असिस्टेन्ट :

यसमा काम गर्नेले कफी बनाइदिने,इमेल,चिठ्ठीपत्रहरु मिलाइदिने,इमेल चेक गरिरहने,क्यालेन्डरको व्यवस्थापन गर्ने र फोटोकपी,स्कयानिङ गर्ने लगायतका कामहरु गर्नुपर्छ । अफिसमा काम गर्नका लागि यो शुरुवाती चरण मानिन्छ । त्यसैले अफिसमा आइपर्ने जुनसुकै कामहरु पनि गर्नुपर्ने हुनसक्छ ।

फाइदाहरु : तुलनात्मक रुपमा सजिलो काम,विहान ९ देखि साँझ ५ बजेसम्म मात्र काम हुने र राम्रो पारिश्रमिक ।
बेफाइदाहरु : एकनाशको काम भएकोले निरशयुक्त हुने,अरुसँग खासै बोलचाल गर्न नपाउँने ।

३ वेटर :

अष्ट्रेलियामा विदेशी विद्यार्थीहरुबीच लोकप्रिय काममा वेटर पनि पर्दछ । यसलाई टिपिकल स्टुडेन्ट जबका रुपमा समेत चिनिन्छ । रेष्टुराँमा आउँने भोकाएका ग्राहकहरुको खाना र पेयको ठीकसँग अर्डर लिनु र छिट्टो सर्भ गर्नु वेटर र वेट्रेसको मूख्य काम हो । सरसफाइ,खानाको डेलिभरी गर्नु आदि पनि यिनीहरुले नै गर्नुपर्छ ।

फाइदाहरु : चित्तबुझ्दो तलब,अँग्रेजी भाषा अभ्यास गर्न पाइने र सधैं व्यस्त रहने भएकोले निरश नहुने ।
बेफाइदा : लामोसमय काम गर्नुपर्ने भएकोले थकाइ लाग्न सक्छ,कुनै कुनै सेफहरु गाली गर्ने खालका हुन्छन् । अष्ट्रेलियामा टिप्सको व्यवस्था नहुनु ।

४ किचेन ह्याण्ड : यो शारीरिक रुपमा गर्नुपर्ने काम हो । भाँडावर्तन सफा गर्नु यो कामको एउटै मात्र काम हो । सबै भाँडाकुँडा माझेर,पुछेर सफा गर्नुपर्ने भएकोले रेष्टुराँ बन्द नभइञ्जेलसम्म काम गर्नुपर्छ ।

फाइदाहरु :  राम्रो तलब,धेरै व्यस्त हुने भएकोले समय काट्न सजिलो र तुलनात्मक रुपमा सजिलो काम भएकोले जसले पनि गर्नसक्ने ।
बेफाइदाहरु : लामो समय काम गर्नुपर्ने भएकोले थकाइ लाग्नसक्छ,कुराकानी गर्न नपाउँनु,तनवपूर्ण वातावरणमा काम गर्नुपर्ने पनि हुन्छ ।

५ बारटेन्डर :

यसमा काम गर्नेहरुको मूख्य काम ग्राहकहरुलाई ककटेल बनाएर दिनु हो । यसका लागि अनुभव र ककटेल सम्बन्धी ज्ञान आवश्यक छ । रक्सीले मातिएका ग्राहकहरुको बानी र व्यवहारलाई पचाउँनसक्नु यसमा काम गर्नेको पहिलो योग्यता हो । लामो समय काम गर्नसक्ने र साथीभाइहरुसँग कुनै कुरा नगरि काम गर्न सक्ने पनि हुनुपर्छ ।

फाइदाहरु : राम्रो तलब,रमाइलो वातावरण र अँग्रेजी सुधार्न उपर्युक्त अवसर पाउँनु ।
बेफाइदाहरु : लामो समय काम गर्नपर्ने,मातिएका व्यक्तिहरुसँग डिल गर्नुपर्ने र रातिको समयमा काम गर्नुपर्ने भएकोले बोरिङ हुने ।

६ कल सेन्टर :

अँग्रेजी सुधार्नका लागि कल सेन्टरभन्दा अरु उपर्युक्त काम अष्ट्रेलियामा केही पनि छैन भन्दा फरक पर्दैन । फोनबाट कुनै सेवा,उत्पादनका बारेमा जानकारी दिनु र गुनासाहरु सुन्न यसको मूख्य काम हो । अष्ट्रेलियामा धेरै विदेशी विद्यार्थीहरुले यही काम गर्दछन् ।

फाइदाहरु : आकर्षक तलब,काम गर्न सजिलो,रमाइलो वातावरण र अँग्रेजी सुधार्ने राम्रो अवसर ।
बेफाइदाहरु : एउटै खालको कुराकानी सयौंपटक गर्नुपर्ने र शारीरिक रुपमा कुनै काम गर्न नपाउँने ।

७ कस्टमर सर्भिस सेन्टर : मान्छेहरुसँग राम्रो व्यवहार गर्नसक्नेहरुलाई ध्यानमा राखेर यो कामको शुरुवात भएको मानिन्छ । ग्राहकहरुसँग डिल गर्नु,उनीहरुका गुनासा,अनुरोध सुनिदिनु यसको मूख्य काम हो । कम्पनी र ग्राहकबीचको पुल भनेकै कस्टमर सर्भिस सेन्टरमा काम गर्नेहरु हुन् । त्यसैले यो जति चुनौतिपूर्ण छ उत्तिकै जस पाउँने अवसर पनि ।

फाइदाहरु : सम्मानित काम,आकर्षक तलब ।
बेफाइदा : कहिलेकाहीं तनाव बढ्नसक्छ ।

८ क्लिनर :  राति काम गर्न सक्नेहरुका लागि यो काम उपर्युक्त हुन्छ । कडा परिश्रम गर्नसक्ने र अरुसँग थोरै बोल्न रुचाउँनेका लागि यो काम ठीक छ । अष्ट्रेलियाका ठूला ठूला कम्पनीहरुले सयौंलाई रातिको समयमा अफिस सरसफाइ गर्न रोजगारी दिनेभएकोले विदेशी विद्यार्थीहरुको रोजाइमा पनि यो काम पर्ने गरेको छ ।

फाइदाहरु : नबोली काम गर्न पाइने भएकोले अँग्रेजी नभए पनि हुने,तुलनात्मक रुपमा सहजिलो काम ।
बेफाइदाहरु : दुव्र्यवहारको शिकार हुनसक्ने,रातिको समयमा काम गर्नुपर्ने र अँग्रेजी सुधार्ने अवसर नपाउँने ।

९ रिसेप्सनीष्ट : यसमा काम गर्नेको दायित्व पाहुनाहरुको स्वागत गर्नु हो । साथमा प्रशासनिक काम गर्नु,मिटिङहरुको व्यवस्थापन गरिदिनु पनि रिसेप्सनीष्टकै दायित्वमा पर्दछ । कहिलेकार्ही पाुहनाहरुसँग अन्तक्र्रिया गर्न उनीहरुसँगै हिड्नुपर्ने हुन्छ । त्यसैले समयको एकदम ख्याल राख्नुपर्ने हुन्छ ।

फाइदाहरु : राम्रो तलब र काम गर्ने समय,धेरै व्यक्तिहरुसँग कुराकानी गर्न पाउँने ।
बेफाइदाहरु : कुनै कुनै कामहरु बोरिङ खालका हुन्छन्,धेरै कामको बोझ ।

१० सेल्स प्रतिनिधि : यो सबैले गर्नसक्ने काम होइन । किनभने यसमा असफल हुने सम्भावना बढी रहन्छ । त्यसैले यसका लागि कडा मिहिनेत गर्नुपर्दछ । न्यूनतम तलब तोकेर बाँकी कमिसनको आधारमा हुने भएकोले चुनौतिपूर्ण पनि हुन्छन् ।

फाइदाहरु : धेरै तलब पाउँनसक्ने सम्भावना,नयाँ नयाँ व्यक्तिहरुसँग भेटघाट र कुराकानी गर्नु पाउँने ।
बेफाइदाहरु : कामबाट तुरुन्तै निकाल्न सकिने,गल्ली गल्ली र सडकसडकमा काम गर्नुपर्ने र तलबका लागि कमिसनमा भर पर्नुपर्ने ।

Are you Planing to Study in Australia ? If yes ,Just Click Here and fill this form.

career-in-aus

Comments

comments