नयाँ दिल्ली । नेपाल र भारतका प्रधानमन्त्रीले संयुक्त पत्रकार सम्मेलनमा सम्बोधन गरेका छन् ।

सम्मेलनको सुरुवात गर्दै भारतीय प्रधानमन्त्री नरेन्द्र मोदीले नेपाली प्रधानमन्त्री र प्रतिनिधिमण्डलाई नेपालीमा सम्बोधन गर्दै स्वागत गरेका थिए । उनले भने,‘ तपाईंहरु सवैलाई भारतमा स्वागत गर्दा मलाई धेरै खुसी लागेको छ ।’

पत्रकार सम्मेलनको शुरुमा आफ्नो भनाइ राखेका भारतीय प्रधानमन्त्री मोदीले प्रधानमन्त्री ओलीको भारत भ्रमण नेपालमा सम्पन्न भएको निर्वाचनको ऐतिहासिक पृष्ठभूमि मा भएको बताउँदै चुनावको सफलता र सरकार नेपालको ठूलो उपलव्धि भएको बताए ।

यसको लागि नेपालको जनता र सरकारलाई हृदय बाट अभिनन्दन गर्न चाहेको मोदीले बताए ।

आफ्नो सम्बोधनमा मोदीले नेपालको राजनीतिक इतिहासमा एउटा नयाँ युगमा प्रवेश गरेको बताउँदै भएको र यो भारतको लागि हर्षको विषय भएको बताए ।

नेपालको विकासका लागि आफ्ना योजनाहरुबारे नेपालका प्रधानमन्त्री केपी ओलीले आफूसँग कुरा गरेको बताउँदै मोदीले नेपालको विकासको साझेदार बन्न भारत तयार रहेको बताए ।

‘हाम्रो नारा एक अर्काको पुरक हुन्,’मोदीले भने,‘ नेपालको आर्थिक बिकास र समृद्धिको बाटोमा भारतले सधै सहयोग गरिरहने छ ।’

मोदीले नेपालाई समुद्रसँगको ‘कनेक्टिभिटी’ मिल्ने भन्दै सगरमाथाको देश सागरसँग जोडिने बताए ।

मोदीले प्रधानमन्त्री ओलीसँग काठमाडौंलाई भारतसँग रेल मार्फत जोड्ने सहमति भएको बताए ।

‘आजको हाम्रो भेटमा हामीले ‘कनेक्टिभिटि’ को सबै प्रोजेक्टमा सहमति गरेका छौं’ मोदीले संयुक्त पत्रकार सम्मेलनमा भने,‘यी सबै कुरामा काम गर्न हामि प्रतिबद्ध छौं ।’

कृषि क्षेत्रमा नयाँ भागिदारी को शुरुवात गरेको बताउँदै मोदीले भने,‘हामी पञ्चेश्वर, सुनकोसी जस्ता परियोजनामा काम गर्न सहमत छौं ।’

खुल्ला सीमाको दुरुपयोग रोक्न र साझा सुरक्षाको हितमा काम गर्न दुई देश सहमत भएको मोदीले बताए ।

विकासको हाम्रो भिजनलाई साकार गर्न यो भेटले महत्वपूर्ण भूमिका खेल्ने मोदीले विश्वास लिए ।

Comments

comments