पर्वत। वाणिज्य मन्त्री मीन विश्वकर्माले सरकारमा बसेर गरेका सबै निर्णय वैधानिक भएको दाबी गरेका छन्। पर्वतको कुस्माबजारमा सञ्चालित शहीद स्मारक आवासीय माविले शहीद दिवसका अवसरमा आयोजना गरेको कार्यक्रममा बोल्दै मन्त्री विश्वकर्माले अन्य दल सरकारमा हुँदा गरेका निर्णय वैधानिक हुने तर नेपाली काँग्रेसको सरकारले गरेका निर्णय अवैधानिक नहुने तर्क गरे।

प्रतिनिधिसभा निर्वाचनमा बहुमत हासिल गरेको एमालेलगायतका दलले सरकारले पछिल्लो समय गरेका निर्णय अवैधानिक भएको र खारेज गर्ने बताइरहेका बेला मन्त्री विश्वकर्माले सरकारको निर्णयको बचाउसमेत गरेका थिए ।

वाणिज्य मन्त्री विश्वकर्माले भने, “सिंहदरबारमा बसेर सरकारले गरेका सबै निर्णय वैधानिक हुन् ।” उलने सरकार छाडेर हिँडेपछि निर्णय गरेको भए मात्रै अवैधानिक हुने जिकिर गरे।

पछिल्लो चुनावमा पनि नेपाली काँग्रेसले लोकप्रिय मत पाएको दाबी गर्दै उनले आफू मन्त्री भएपछि वाणिज्य क्षेत्रमा सकारात्मक प्रभाव पार्ने खालका धेरै दूरगामी निर्णयसमेत गरेको दाबी गरे।

Comments

comments