चौतारा । बहु प्रतिक्षित मेलम्ची खानेपानी आयोजनाको अम्बाथान–ग्यालथुम खण्डको सुरुङको निर्माण कार्य ब्रेकथु भएको छ । ग्यालथुम खण्डको ८।३ किमी सुरुङको अन्तिम बिन्दुमा निर्धारित कार्यक्रमअनुसार शुक्रबार राति १२ बजे दुई वटा विस्फोटबाट सुरुङ छेड्ने काम सम्पन्न भएको मेलम्ची खानेपानी विकास समितिका सूचना अधिकारी राजेन्द्र पन्तले जानकारी दिएका छन् ।

सुरुङ छेड्ने काम सम्पन्न भएसँगै भित्तो ढलान गर्ने कामसमेत सँगसँगै भइरहेको पन्तले बताए । सिन्धुपाल्चोकको हेलम्बु गाउँपालिकाअन्तर्गत अम्बाथान मुहानदेखि सुन्दरीजलसम्मको २७।५ किमी सुरुङ मध्य अब ग्यालथुमदेखि सिन्धु खण्डको ४ंं। ५० मिटर सुरुङ निर्माण गर्न बाँकी छ । निर्माण पुरा गर्न अझै तीन महिना समय लाग्ने बताइएको छ । सिन्धु खण्डको सुरुङमा कमसल भूभाग निस्किएकाले बढी समय लाग्ने भए पनि आगामी चैतसम्म सम्पन्न गर्ने लक्ष्य रहेको छ ।

मुहान रहेको हेलम्बुको अम्बाथानदेखि सुन्दरीजलसम्मको २७।५ किमी सुरुङ मध्य सबैभन्दा लामो सिन्धुदेखि सुन्दरीजल खण्डको ९।५ किमी सुरुङ गत वर्षनै सम्पन्न भइसकेको छ । एसियाली विकास बंैक ९एडिबी० को ८० प्रतिशत सहयोग रहेको आयोजनाको सुरुङ निर्माणको लागि भ्याटबाहेक १० अर्ब ६५ करोड रुपैयाँ खर्च लाग्ने अनुमान गरिएको छ ।

Comments

comments