काठमाडौं । मंसिर १० र २१ गते सम्पन्न प्रतिनिधिसभा र प्रदेशसभा निर्वाचनको मतपरिणमहरु प्राप्त हुन थालेको छ । हालसम्म प्राप्त परिणाम अनुसार वाम गठवन्धनले तीन स्थानमा विजय हासिल गरेको छ ।

त्यस्तै लोकतान्त्रीक गठवन्धन लगायत अन्य दलले अहिलेसम्म कतै विजय हासिल गर्न सकेका छैनन् । हालसम्म प्राप्त परिणामअनुसार प्रतिनिधिसभातर्फ मुस्ताङमा नेकपा एमालेका प्रेमप्रसाद तुलाचन विजयी हुनु भएको छ ।

तुलाचन ३ हजा ५ सय ४४ मत प्राप्त गरी विजयी हुनु भएको हो । उहाँका निकटतम प्रतिन्द्धी नेपाली कांग्रेसका रोमी गौचन थकालीले ३ हजार २ सय ८१ मत प्राप्त गर्नुभयो ।

प्रदेश सभातर्फ मुस्ताङमा नेकपा एमालेकै ईन्द्रधारा विष्ट १ हजार १ सय ६७ मत प्राप्त गरी विजयी हुनु भएको छ । त्यस्तै मुस्ताङकै प्रदेश सभा ‘ख’तर्फ नेकपा एमालेकै महेन्द्रबहादुर थकालीले २ हजार ५ सय ८४ मत प्राप्त गरी विजयी हुनु भएको छ ।

त्यस्तै गरी मनाङमा नेकपा एमालेका पाल्देन छोपाङ गुरुङ विजयी हुनु भएको छ । गुरुङले २ हजार तीन सय मत प्राप्त गर्नु भएको छ । उहाँका निकटत प्रतिद्धन्द्धी टेकबहादुर गुरुङ २ हजार २१ मत प्राप्त गर्नु भएको छ ।

मनाङमा प्रदेशसभा ‘क’ तर्फ नेपाली कांग्रेसका चीन्तबहादुर घले ९ सय ९८ मत प्राप्त गरी विजयी हुनु भएको छ । प्रदेश सभा ‘ख’तर्फ नेपाली कांग्रेसका कर्मा गुरुङले एक हजार ३० मत प्राप्त गरी विजयी हुनु भएको छ ।

उता रुकुम पूर्वमा वाम गठवन्धनका कमला रोका विजयी हुनुभएको छ । रोक्का माओवादी केन्द्रकातर्फबाट उम्मेदवार हुनु भएको थियो । कमला रोकाले १० हजार ४ सय ३४ मत प्राप्त गर्नु भएको थियो भने उहाँका निकटतम प्रतिद्धन्द्धी नेपाली कांग्रेसका हरीशंकर घर्तीले ४ हजार ४ सय ६ मत प्राप्त गर्नु भएको थियो ।

प्रदेश सभा तर्फको मत गणना भने जारी छ ।

Comments

comments