काठमाडौं । तेस्रो चरण अन्तर्गत प्रदेश नं २ मा असोज २ गते सम्पन्न आठ जिल्लाका १ सय ३६ स्थानीय तहको निर्वाचन मध्ये अहिलेसम्म ४० वटा स्थानीय तहको मतगणना सम्पन्न भएको छ ।

निर्वाचन आयोगले आयोग स्थित संयुक्त निर्वाचन सञ्चालन केन्द्र (जेइओसी) बाट आज बिहान ९ बजेसम्मको प्राप्त विवरणअनुसार स्थानीय तहको प्रमुख एवं अध्यक्ष पदमा नेपाली कांग्रेस १३, नेकपा माओवादी केन्द्र ८, राष्ट्रिय जनता दल नेपाल ६, नेकपा एमाले ५, संघीय समाजवादी फोरम नेपाल ५, नेपाल लोकतान्त्रिक फोरम २ र नेपाली जनता दलका एकजना उम्मेदवार विजयी हुनुभएको छ ।

हालसम्म अहिलेसम्म ७ सय ५८ वटा वडाको अन्तिम मतपरिणाम प्राप्त भइसकेको प्रवक्ता नवराज ढकालले जानकारी दिनुभयो ।

मतगणना जारी रहेका ९६ स्थानीय तहमध्ये एकाध स्थानमा मतगणनामा गतिरोध उत्पन्न भएका कारण सर्वदलीय सहमति गरी मतगणना सञ्चालन गर्ने प्रयास भइरहेको र अन्य सबै स्थानमा मतगणना कार्य शान्तिपूर्णरूपमा जारी रहेको आयोगले जनाएको छ

Comments

comments