सिन्धुपाल्चोक । ‘मन्त्रीज्यू टेलिकमको टावरले राम्रोसँग काम गर्दैन, सदरमुकामजस्तो ठाउँमा मोबाइलले फोन गर्न पनि डाँडा चढ्नुपर्छ’ बधाई तथा शुभकामनाका लागि गृहजिल्ला सिन्धुपाल्चोक पुग्नुभएका सूचना तथा सञ्चारमन्त्री मोहनबहादुर बस्नेतसँग स्थानीय बासिन्दाको गुनासो हो यो । 

नेपाली कांग्रेस सिन्धुपाल्चोक जिल्ला क्षेत्र नम्बर २ को अगुवाइमा बुधबार चौतारामा आयोजना गरिएको मन्त्री बस्नेतको बधाई तथा शुभकामना र क्षेत्र नम्बर २ बाट विजयी स्थानीय जनप्रतिनिधिहरूको सम्मान कार्यक्रममा स्थानीय जनप्रतिनिधि र जिल्लावासीका गुनासा मन्त्री बस्नेतकै मन्त्रालय मातहतको निकायमा केन्द्रित थिए ।

सञ्चारमन्त्री बस्नेतले गृहजिल्लामा नै टेलिकमको समस्या देखिएपछि तत्कालै सुधारका लागि निर्देशन दिइसकेको बताउनुभयो । स्थानीय नगरवासी तथा मतदाताको बधाई ग्रहणपछि मन्तव्यमा उहाँले भन्नुभयो, ‘सिन्धुपाल्चोकको मात्र होइन देशभरको टेलिकम सेवा गुणस्तरीय बनाउन निर्देशन दिइसकेको छु ।

त्यस अवसरमा उहाँले क्षेत्र नम्बर २ अन्तर्गत स्थानीय निकायको निर्वाचनमा नेपाली कांग्रेसका तर्फबाट विजयी हुनुभएका मेयर तथा उपमेयर, गाउँपालिकाका अध्यक्ष तथा उपाध्यक्ष, वडाध्यक्ष तथा सदस्यहरू र जिल्ला समन्वय समितिका प्रतिनिधिहरूलाई सम्मान गर्नुभएको थियो ।

कार्यक्रममा नेपाली कांग्रेस सिन्धुपाल्चोक क्षेत्र नं २ का सभापति टङ्कबहादुर कार्कीले आसन्न प्रदेश सभा तथा संसद्को निर्वाचनका लागि आजैदेखि तयारीमा लाग्नुपर्ने बताउनुभयो ।

Are you Planing to Study in Australia ? If yes ,Just Click Here and fill this form.

career-in-aus

Comments