काठमाडौँ । नेकपा माओवादी केन्द्रका अध्यक्ष पुष्पकमल दाहालले परिवर्तनलाई संस्थागत गर्न पनि सबै क्रान्तिकारी शक्तिहरु एकतावद्ध हुनुको विकल्प नरहेको बताउनु भएको छ ।

अध्यक्ष दाहालले बाबुराम भट्टराई, मोहन बैद्य र नेत्रविक्रम चन्दलाई ढिला नगरी पार्टीका फर्कन पनि आग्रह गर्नु भयो । उहाँले आफनो पार्टी नेतृत्वमा मुलुकका परिवर्तन आएको उल्लेख गर्दै त्यसलाई जोगाउने दायित्व पनि आफूहरुकै काँधमा रहेकोे पनि उल्लेख गर्नु भयो ।

सोमबार लाजिम्पाटस्थित आफ्नै निवासमा प्रदेश नम्बर २ का विभिन्न पार्टीका नेता, कार्यकर्तालाई पार्टी प्रवेश गराउँदै उहाँले भट्टराई, बैद्य र नेत्र विक्रम चन्दसहितका साथीहरुको सामूहिक प्रयासमा मुलुकमा परिवर्तन आएकाले त्यसलाई जोगाउन पनि सबै एकैठाउँ उभिनुपर्ने बेला आएको पनि स्पष्ट पार्नुभयो ।

प्रचण्डले स्थानीय तहमा माओवादीले जित्दा सुनमा सुगन्ध हुने बताउँदै ढिलो वा चाँडो सबै माओवादीहरु एक ठाउँ आएर देशको नेतृत्व लिनुपर्ने बताउनु भयो । ‘सबै माओवादी घर फर्किनुको विकल्प छैन । बाबुरामजी पनि छिट्टै फर्कनुपर्छ, सबै नेता फर्केपछि एक्लै फर्कनुको अर्थ पनि रहँदैन’, उहाँले भन्नुभयो, ‘वैद्यजी, विप्लवजी पनि फर्कनैपर्छ, अन्त जाने कुनै ठाउँ छैन । सबै माओवादी मिलेर मात्रै परिवर्तनलाई संस्थागत गर्न सकिन्छ ।’

अध्यक्ष दाहालले प्रदेश नम्बर २ को स्थानीय तह निर्वाचनमा आफ्नो पार्टी पहिलो शक्ति बन्ने दावी समेत गर्नु भयो । उहाँले राष्ट्रिय एकतालाई सुनिश्चित गरी आर्थिक विकासलाई गति दिन पनि आफ्नो पार्टीले प्रदेश सभा र प्रतिनिधि सभाको निर्वाचनमा पनि पहिलो शक्ति बन्नैपर्ने तर्क समेत गर्नु भयो ।

अध्यक्ष दाहालले तयारी नपुगेका कारण स्थानीय तह पहिलो र दोस्रो तहको निर्वाचनमा पार्टीले अनपेक्षित परिणाम व्यहोर्नु परेको पनि बताउनु भयो ।

Are you Planing to Study in Australia ? If yes ,Just Click Here and fill this form.

career-in-aus

 

Comments