काठमाडौं । सूचना तथा सञ्चार मन्त्रालयले आफ्ना मातहतका निकायहरूलाई असार १५ गतेभित्र आगामी आर्थिक वर्षको कार्ययोजना बुझाउन निर्देशन दिएको छ ।

सिंहदरबारस्थित सूचना तथा सञ्चार मन्त्रालयमा आइतबार आयोजित चालु आर्थिक वर्षको कार्य समीक्षा र  अगामी आर्थिक वर्षको कार्ययोजनाबारे आयोजित छलफलमा मन्त्रालयका सचिव महेन्द्रमान गुरुङले मातहतका निकायहरूलाई यस्तो निर्देशन दिनुभएको हो । सचिव गुरुङले प्रत्येक कार्यक्रमको छुट्टाछुट्टै क्रियाकलाप देखिने गरी कार्ययोजना बनाउनसमेत निर्देशन दिनुभयो ।  त्यसैगरी, मन्त्रालयका निकायहरूको चालु आिर्थक वर्षको गतिविधिहरूलाई समेटेर साउन मसान्तभित्र वार्षिक प्रतिवेदन प्रकाशित गर्न सम्बन्धित विभागलाई निर्देश गर्नुभयो ।

त्यस अवसरमा गोरखापत्र संस्थानका महाप्रबन्धक सुशील कोइरालाले चालु आर्थिक वर्षमा संस्थानद्वारा सम्पादित कामहरूको विवरण तथा आगामी आर्थिक वर्षमा सम्पादन गरिने कार्ययोजनाबारे जानकारी गराउनुभएको थियो ।  महाप्रबन्धक कोइरालाद्वारा प्रस्तुत कार्ययोजना अनुकरणीय बताउँदै सचिव गुरुङले सो अनुसार कार्ययोजना बनाउन अन्य निकायलाई निर्देशन दिनुभयो ।  नेपाल टेलिभिजनका अध्यक्ष महेशराज दाहालले भूकम्पलगायत विपद्को समयमा पनि टेलिभिजनको प्रसारणलाई अवरोध हुन नदिने गरी तयारी भइरहेको जानकारी दिनुभयो ।  बजेटको अभावमा पोखरा र बर्दिबासबाट चालु आर्थिक वर्षमा टेलिभिजनको प्रसारण प्रारम्भ गर्न नसकिएको बताउँदै कोहलपुरबाट टेलिभिजनको प्रसारण प्रारम्भ भइसकेको जानकारी दिनुभयो ।

सूचना विभागका महानिर्देशक वीरबहादुर राईले विभागमा सूचना बैङ्कको स्थापनाका लागि आवश्यक तयारी भइरहेको बताउनुभयो ।  रेडियो नेपालका कार्यकारी निर्देशक सुरेश कार्कीले चालु आर्थिक वर्षमा तीन करोड २२ लाख ७६ हजार बेरुजु फछ्र्यौट भएको जानकारी दिनुभयो ।

त्यस अवसरमा राष्ट्रिय सूचना आयोग, राष्ट्रिय समाचार समिति, हुलाक सेवा विभाग, प्रेस काउन्सिल नेपाल, चलचित्र विकास बोर्ड, न्यूनतम पारिश्रमिक निर्धारण समिति, मुद्रण विभाग लगायतका प्रतिनिधिले चालु आर्थिक वर्षमा आ–आफ्नो निकायको कार्य प्रगाति तथा आगामी आर्थिक वर्षको कार्ययोजनाबारे जानकारी गराउनुभएको थियो ।

Are you Planing to Study in Australia ? If yes ,Just Click Here and fill this form.

career-in-aus

Comments