काठमाडौं । नेपाल नागरिक उड्डयन प्राधिकरणका अधिकृतसहित दुई जना ४० तोला सुनसहित त्रिभुवन अन्तर्राष्ट्रिय विमानस्थलबाट  पक्राउ परेका छन् ।

कतार एअरवेजको विमान हुँदै कतारको दोहाबाट काठमाडौँ आइपुगेका यात्रु मनिष रिमाल विमानस्थलबाट ओर्लिएलगत्तै प्राधिकरणका अधिकृत किशोरकुमार खत्रीले रिमालको सो सुन आफ्नो साथमा लिएका थिए ।

विमानस्थल भन्सारका प्रमुख नारायण सापकोटाले शङ्कास्पद गतिविधि देखिएपछि भन्सारका कर्मचारीले खत्रीलाई निगरानीमा राखी यात्रु जाँच कक्षमा पुगेपछि नियन्त्रणमा लिएको जानकारी दिनुभयो ।

विमानस्थलकै कर्मचारी भएकाले जाँच नहुने र सहजै सुन बाहिर निकाल्ने दाउमा खत्री रहेका थिए । सापकोटाले भन्नुभयो, “विमानस्थलको टावरमा ड्युटी रहेका खत्री विमानबाट यात्रु ओर्लिने ठाउँमा जानुले नै उनको गतिविधिमा शङ्का उत्पन्न भएको थियो ।” चार वर्षपछि कतारबाट आएका रिमालले १०-१० तोलाको चार वटा बिस्कुट आकारमा सो सुन ल्याएका थिए ।

पक्राउ दुवै जनालाई थुनामा राखी अनुसन्धान भइरहेको छ । उहाँले भन्नुभयो, “आज बयान लिन भ्याइएन, आइतबार विस्तृत रुपमा बयान लिन्छौँ ।” खत्रीका साथमा विमानस्थलको सबै ठाउँमा जान मिल्नेगरी जारी गरिएको कार्ड भेटिएको छ । रासस

Are you Planing to Study in Australia ? If yes ,Just Click Here and fill this form.

career-in-aus

Please follow and like us:

Comments