काठमाडौं । अमेरिकी सिनेटका डेमोक्र्याटिक सदस्यले राष्ट्रपति डोनाल्ड ट्रम्पले आफ्नो मन्त्रीमण्डलका लागि छानेका दुई व्यक्तिको स्वीकृतिका लागि हुने भनिएको मतदान प्रक्रिया बहिष्कार गरेका छन् ।

यसले गर्दा मतदान प्रक्रिया तत्कालका लागि रोकिएको छ । डेमोक्र्याटिक सिनेटरले ट्रम्पले वित्त मन्त्रीका लागि प्रस्ताव गर्नुभएका स्टिफन म्युचन र स्वास्थ्य मन्त्रीका लागि प्रस्तावित टम प्राइसको अनुमोदन प्रक्रिया रोकेका हुन् । स्वास्थ्य मन्त्रीका लागि प्रस्तावित प्राइस र वित्त मन्त्रीका लागि प्रस्तावित म्युचनको आर्थिक गतिविधिका बारेमा आफूहरुलाई थप जानकारी चाहिने भन्दै डेमोक्र्याटिक सिनेटरले अनुमोदनका प्रक्रिया बहिष्कार गरेका हुन् । सिनेटको अनुमोदन कमिटिले ट्रम्पले आफ्नो मन्त्रीमण्डलका लागि प्रस्ताव गरेका धेरैको अनुमोदन गर्ने तयारी गरेको थियो ।

तर डेमोक्र्याटिक सिनेटरको बहिष्कारका कारण प्रक्रिया रोकिएको हो । ट्रम्पले यसअघि डेमोक्र्याटिक पार्टीका सदस्यले राजनीतिक कारणले आफ्नो मन्त्रीमण्डल गठनमा अवरोध गरिरहेको आरोप लगाउनुभएको थियो ।

यस्तै महान्यायाधीवक्ताका लागि प्रस्तावित जेफ सेसन्सको अनुमोदनका लागि हुने भनिएको मतदान पनि रोकिएको छ । राष्ट्रपति ट्रम्पले मंगलबार आफ्ना आप्रवासी सम्बन्धी निर्देशनको कानुनी आधारका बारेमा प्रश्न गर्ने अन्तरिम महान्यायाधीवक्ता साली यट्सलाई बर्खास्त गर्नुभएको थियो । रिपब्लिकन पार्टीका नेताले भने डेमोक्र्याटिक सिनेटरले गरेको अवारोध जायज नरहेको बताएका छन् ।

Are you Planing to Study in Australia ? If yes ,Just Click Here and fill this form.

career-in-aus

 

 

Please follow and like us:

Comments