काठमाडौं । विदेशस्थित नेपाली नियोगहरुले नेपाल आउने विदेशीलाई प्रवेशाज्ञा भिसा दिँदा गम्भीर लापरबाही गरेको पाइएको छ ।

विभिन्न मुलुकमा रहेको नेपाली दूतावास र महावाणिज्य दूतावासका कर्मचारीसहित सरकारले नियुक्त गरेका अवैतनिक महावाणिज्यदूतहरुले मुलुकको प्रतिष्ठा र इजजतको समेत ख्याल नगरी जथाभावी भिसा दिएको पाइएको हो ।

परराष्ट्र मन्त्रालयले विदेशी नियोगमा नियुक्ति हुनुपूर्व मातहतका कर्मचारीलाई नेपालले अवलम्बन गर्दै आएको भिसा नीतिका बारेमा जानकारी दिने गरेको छ ।

परराष्ट्रको गाइडलाइनलाई कर्मचारी र सरकारले नियुक्त गरेका कन्सुलरले कार्यान्वयन गरेको देखिँदैन ।

नेपाली भिसा दिँदा लापरबाही गर्ने नियोगमा वासिङटन डिसीस्थित नेपाली दूतावास, महावाणिज्य दूतावास हङकङ, नयाँ दिल्लीस्थित नेपाली दूतावास, अष्ट्रेलिया क्यानबेरास्थित नेपाली दूतावास र बेईजिङस्थित नेपाली दूतावास छन् ।

यस्तै ढाकास्थित नेपाली दूतावास, जर्मनको कोलोन, इटलीको रोम र स्पेनको वार्सिलोनास्थित कन्सुलरले समेत भिसा दिँदा लापरबाही गरेको स्रोतले बताएको छ ।

Are you Planing to Study in Australia ? If yes ,Just Click Here and fill this form.

career-in-aus

Comments