काठमाडौं । संविधान संशोधनमा असहमति जनाउँदै आएको एमालेले त्यसको विरोधमा भातृ संगठनलाई अघि सारेको छ ।

एमाले निकट भ्रातृ संगठन अनेरास्ववियू र युवा संघ नेपालले बिहान पत्रकार सम्मेलन नै गरेर सहमति बिना संविधान संशोधन नगर्न सत्तापक्षलाई चेतावनी दिएका छन् ।

सत्तापक्ष नेकपा माओवादी केन्द्र र कांग्रेसले प्रतिपक्ष एमालेको सहमति बिना पनि संविधान संशोधन गर्ने निर्णय गरेको भन्दै अनेरास्ववियू र युवा संघ नेपालले त्यसको विरोध गरेका हुन् । मंगलबार बिहान काठमाडौंमा पत्रकार सम्मेलन गरी उनीहरुले प्रतिपक्षको सहमति बिना जबरजस्ती संविधान संशोधन गरे आन्दोलन गर्ने चेतावनी दिएको हो ।

संविधान संशोधन गर्ने बारेमा सहमति जुटाउन सोमबार बेलुकी बालुवाटरमा बसेको बैठकमा प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालसँग एमाले नेताहरुको चर्काचर्की नै परेको थियो । त्यसपछि एमाले नेताहरु संविधान संशोधन गर्न नहुने भन्दै बालुवाटारबाट हिँडेका थिए ।

Are you Planing to Study in Australia ? If yes ,Just Click Here and fill this form.

twgg-advertise

Comments

comments