मेलबर्न । एउटा ससेज र ब्रेडको मूल्य कति पर्ला ? यसको उत्तर दिनुभन्दा अघि यसको मूल्य ९ हजार डलर तिर्नुपर्यो भने के गर्नुहुन्छ ?

सनबरी भिक्टोरिया अष्ट्रेलियाका एक व्यक्तिले एउटा ससेज र ब्रेडको मूल्य ९ हजार डलर तिरेका छन् । तर उनले राजीखुशीले नभई जरिवानास्वरुप यति धेरै रकम तिर्नुपरेको हो । उनको एउटा शौखको कारण यति ठूरो जरिवाना भएको हो । पेकिसका स्थानीय रहेका ती व्यक्तिले स्थानीय वेयरहाउसबाट ती ससेज र ब्रेड मगाएका थिए । तर त्यसका लागि उनले ड्रोन क्यामरा प्रयोग गरेका थिए ।

एउटा चिटमा ससेज र ब्रेडको अर्डर सहित १० डलर पठाएर उनले ड्रोनलाई वेयरहाउसमा पठाएका थिए । त्यहाँका कर्मचारीहरुले पनि उनको अर्डर अनुसारको ससेज र ब्रेड प्याक गरेर ड्रोनमा झुण्ड्याइदिएका थिए । त्यसपछि उक्त ड्रोन उड्दै निकै टाढा रहेको ती व्यक्तिसम्म ससेज र ब्रेड पुर्याउन सफल भएको भिडियोमा देखाइएको छ ।

तर यसलाई अष्ट्रेलियन नागरिक उड्डयन अधिकारीहरुले भने गम्भीर अपराध मानेको छ । हवाइ सुरक्षाको नियम उल्लंघन गरेको अभियोगमा अधिकारीहरुले ती व्यक्तिमाथि ९ हजार डलर जरिवाना लगाए ।

Do you want to get Australian Qualification or Work Visa or Permanent Residency in Australia ? Just Click Here.

twgg-advertise

यो घट्नाबाट जतासुकै ड्रोन उडाउन पाइन्छ भन्ने मानसिकतालाई रोक्ने अधिकारीहरुको दाबी छ । हामी नागरिकहरु उनीहरुका ड्रोनसँग रमाऊन भन्ने चाहन्छौं । तर विद्यमान कानूनलाई पनि सम्मान गर्नुपर्छ । आफ्नो रमाइलोका लागि अरुमाथि खतरा निम्त्याउन् पाइदैन,एक अधिकारीले बताइए ।

Pic Source : 7 News

Comments

comments