काठमाडौं । सत्तारुढ दल नेकपा (एमाले) निर्वाचनको तयारीमा जुट्ने भएको छ ।

सरकारले संविधानसभाबाट जारी संविधानको व्यवस्थाअनुसार निर्वाचनको योजना तय गरेपछि एमाले त्यसमै केन्द्रित हुन लागेको छ ।

शनिबार प्रधानमन्त्री निवास बालुवाटारमा बसेको स्थायी समिति बैठकले स्थानीय, प्रदेश र संघीय तहको निर्वाचन तयारीमा लाग्नुपर्ने निष्कर्ष निकालेको हो । बैठकले सरकारले तय गरेको संविधान कार्यान्वयन कार्ययोजनाको स्वागत गर्दै त्यसको कार्यान्वयनका लागि पूर्णरूपमा सहयोग गर्ने निर्णय पनि गरेको छ ।

संविधान कार्यान्वयन कार्ययोजनाको स्वागत गर्दै तीनै तहको निर्वाचनमा ध्यान केन्द्रित गर्ने निष्कर्षमा पुगेका पार्टी सचिव भीम आचार्यले बताउँनुभयो । सरकारले बिहीबार मात्रै मंसिर महिनामा स्थानीय, ०७४ वैशाखरजेठसम्ममा प्रदेश र ०७४ मंसिरसम्ममा संसदीय निर्वाचन गर्ने कार्ययोजना तय गरेको थियो ।
बैठकमा सरकारले अघि सारेको कार्ययोजना, बजेटका साथै व्यवस्थापिका–संसद् कार्यसञ्चालन नियमावलीका विषयमा छलफल भएको थियो । समसामयिक राजनीतिक विषयमा छलफल भए पनि कुनै निर्णय नभएको आचार्यले जानकारी दिए ।

बैठकले सरकारको नीति तथा कार्यक्रम र आगामी आर्थिक वर्षको बजेट कार्यान्वयनका सम्बन्धमा यही असार १८ गते प्रदेश तहमा र असार २२ देखि २९ गतेसम्म जिल्ला तहमा अन्तक्र्रिया गर्ने विषयमा पनि छलफल भएको उनले सुनाए ।

Comments