काठमाडौँ । पोशाक भत्ता लिएर पोशाक नलगाउने कर्मचारीलाई मुलुककै प्रमुख प्रशासनिक केन्द्र सिंहदरबार प्रवेशमा रोक लगाउन थालिएको छ।

सरकारले कर्मचारीका लागि तोकेको ड्रेसकोड नलगाइ कार्यालय आउन थालेपछि सामान्य प्रशासन मन्त्रालयले पोशाक अनिवार्य गर्न कडाइ गरेको हो।

सामान्य प्रशासन मन्त्रालयले सुरुमा सवै मन्त्रालयलाई मातहतका कार्यालयमा ड्रेस लगाए नलगाएको अनुगमन गर्न र आवश्यक कारबाही गर्न परिपत्र गरेको थियो।

तर उक्त परिपत्रको कार्यान्वयन प्रभावकारी नदेखिएपछि सामान्य प्रशासन मन्त्रालय स्वयंले ड्रेस नलगाउने कर्मचारीलाई सिंहदरबार प्रवेशद्वारमै रोक्न सुरक्षा निकायलाई निर्देशन दिएपछि तोकिएको पोशाक नलगाइ सिंहदरबार छिर्न नपाइने भएको हो।

केहि दिन अघि स्वयम् मन्त्री रेखा शर्माको अनुगमनमा १०० बढी कर्मचारीले पोशाक नलगाएको पाएपछि सिंहदरबार प्रवेशमा रोक लगाएको थियो ।

Comments

comments